आयशा शाक्य र आशिष बस्नेत सम्मानित
काठमाडौं । काठमाडौं महानगरको वडा नम्बर ३१ ले आफ्नो वडाबासी साग खेलका पदक बिजेतालाई शुक्रबार सम्मान गरेको छ । सम्मानित हुनेमा दुई स्वर्णपदक बिजेता आयशा शाक्य र रजत पदक बिजेता आशिष बस्नेत छन् ।
शाक्यले तेक्वान्दो खेलको पुम्से एकल तथा युगल जोडीतर्फ २९ बर्ष माथिको उमेर समूहमा गरी दुईवटा स्वर्ण पदक हासिल गरेकी थिइन् भने बस्नेतले ३ × ३ बास्केटबलमा रजत पदक प्राप्त गरेका थिए ।
कार्यक्रममा शाक्यलाई ५० हजार रुपैयाँ र बन्नेतलाई २५ हजार रुपैयाँ नगदसहित सम्मान पत्र प्रदान गरिएको थियो ।
त्यस अवसरमा तेक्वान्दो खेलका प्रशिक्षक दीपक बिष्ट, कराँते खेलका प्रशिक्षक तुलसी महर्जन, बास्केटबल खेलका प्रशिक्षक निरञ्जन सत्याल, व्याडमिन्टनका किरण थापालाई सम्मानित गरिएको थियो ।
