कप्तान विराट कोहली सन् २०१९ को सबैभन्दा धेरै रन बनाउने खेलाडी
भारतीय क्रिकेट टोलीका कप्तान विराट कोहली सन् २०१९ को सबैभन्दा धेरै रन बनाउने खेलाडी बनेका छन् । कप्तान विराटले सबै फर्म्याटका क्रिकेटमा २ हजार ४ सय ५५ रन बनाएका छन् । यो वर्षको अन्तिम खेलमा कोहलीले वेस्ट इन्डिजविरुद्ध आइतबार ८५ रनको पारी खेलेका थिए।
कोहलीले २६ एक दिवसीयमा १ हजार ३ सय ७७, ८ टेस्टमा ६ सय १२ र १० टी२० मा ४ सय ६६ रन बनाएका छन् । कोहलीलाई भारतकै रोहित शर्माले पछ्याएर दोस्रो भएका छन । शर्माले २८ एक दिवसीयमा १ हजार ४ सय ९०, ५ टेस्टमा ५ सय ५६ र १४ टी २० मा ३ सय ९६ रन बनाएका छन्।
सर्वा्धिक रन बनाउने खेलाडीको सूचीमा तेस्रो स्थानमा पाकिस्तानका बाबर आजम २ हजार ८२, चौथो स्थानमा न्युजिल्यान्डका रस टेलर १ हजार ८ सय २० र इंग्ल्यान्डका जो रुट १ हजार ७ सय ९० रन बनाएर पाँचौँ स्थानमा छन्।