लिभरपुल मोन्टेरलाई २–१ ले पराजित गर्दै विश्वकपको फाइनलमा
काठमाडौं । काठमाडौं । लिभरपुलले फिफा क्लब विश्वकपको फाइनलमा प्रवेश गरेको छ । । रोवर्टो फिर्मिनोले इन्जुरी टाइममा निर्णायक गोल गरेपछि लिभरपुल मोन्टेरलाई २–१ ले पराजित गर्दै फिफा क्लब विश्वकपको फाइनलमा प्रवेश गरेको हो ।
लिभरपुलको जितमा नेवी काइटा र रोवर्टो फिर्मिनोले गोल गरे । लिभरपुलले अब उपाधिका लागि दक्षिण अमिरिकी च्याम्पियन ब्राजिलियन क्लब फ्लेमेङ्गोसँग खेल्नेछ ।
कतारको दोहास्थित खालिफा इन्टरनेशनल स्टेडियममा भएको दोस्रो सेमिफाइनल खेलमा नेवी काइटाले १२ औं मिनेटमा गोल गर्दै लिभरपुललाई पहिले अग्रता दिलाएका थिए । तर दुई मिनेटपछि नै मोन्टेरेका लागि फुनेस मोरीले बराबरी गोल फर्काए ।
निर्धा्रित ९० मिनेटसम्म खेल १–१ कै बराबरीमा थियो । ८५ औं मिनेटमा डिभोक ओरिगीको स्थानमा मैदान प्रवेश गरेका फिर्मिनोले इन्जुरी टाइमको पहिलो मिनेटमा गोल गर्दै लिभरपुको फाइनल यात्रा पक्का गरे ।