पुरुष फुटबलमा नेपाल र श्रीलंका एक/एक गोलको बराबरी
काठमाडौं । १३ औं दक्षिण एसियाली खेलकुद प्रतियोगिता (साग) अन्तर्गत पुरुष फुटबलमा नेपालले श्रीलंकासँग बराबरी खेलेको छ । त्रिपुरेश्वस्थित दशरथ रंगशालाको कभर्डहलमा बुधबार भएको खेलमा नेपालले श्रीलंकासँग १-१ गोलको बराबरी खेलको हो । बराबरीसँगै नेपाल र श्रीलंकाले १-१ अंक बाँडेका छन् ।
पहिलो हाफको ३६ नेपालले श्रीलंकाविरुद्ध १-० गोलको अग्रता लिएको थियो । नेपालका लागि कप्तान सुजल श्रेष्ठले गोल गरेका थिए । श्रीलंकाले दोस्रो हाफको इन्जुरी समयमा बराबरी गोल गरेको हो ।
नेपालले मंगलबार भुटानविरुद्ध ४-० गोलले जित हात पारेको थियो । नेपालले दुई खेलबाट चार अंक प्राप्त गरेको छ भने श्रीलंकाले दुई खेलबाट दुई अंक जोडेको छ ।
