साग खेलकुदको आज भव्य रुपमा उद्घाटन गरिँदै
काठमाडौ । १३ औं दक्षिण एसियाली खेलकुद (साग) खेलकुदको उद्घाटन आज हुने भएको छ। राष्ट्रपति विद्यादेवी भण्डारीले आज मध्यान्ह उद्घाटन गर्ने कार्यक्रम रहेको छ ।
उद्घाटन कार्यक्रम साँझ तीन घण्टा १४ मिनेटको हुने बताइएको छ । दक्षिण एसियाली महाद्वीपका राष्ट्रहरूको दृष्टिमा रहने यो खेलकुद मेलालाई राष्ट्रको सम्पन्नता, वैभव र समृद्धि देखाउने अवसरका रूपमा पनि लिइन्छ । त्यसैले उद्घाटन समारोह भव्य गर्ने तयारी भइरहेको छ ।
उद्घाटन समारोहमा १५ हजार कलाकारले विभिन्न प्रस्तुति दिने बताइएको छ । एसियाली खेलकुद नेपालमा तेस्रो पटक आयोजना हुँदै छ । साग खेलकुदमा नेपालको सबभन्दा ठूलो उपलब्धि काठमाडौँमा सन् १९९९ मा सम्पन्न आठौँ साफ हो।
सो संस्करणमा नेपालले स्वर्ण पदक मात्र ३१ वटा हासिल गरेको थियो । नेपालले सो समय पदक तालिकामा भारतपछाडि दोस्रो स्थानमा आफूलाई उभ्याएको थियो । पहिलो संस्करणमा नेपालले चार स्वर्ण पदक जितेको थियो ।