मार्चपासमा नेपालको झन्डा बोक्न पारसलाई सिफारिस
काठमाडौँ । १३ औं दक्षिण एसियाली खेलकुद प्रतियोगिता (साग) को उद्घाटन समारोहमा नेपालको झण्डा पूर्व कप्तान पारस खड्काले बोक्ने भएको छ । मंसिर १५ गते हुने उद्घाटन समारोहमा नेपालको झण्डा बोक्नका लागि राष्ट्रिय क्रिकेट टिमका पूर्व कप्तान पारस खड्काको नाम सागको प्राविधिक उपसमितिले समारोह उपसमितिलाई सिफारिस गरेको हो ।
उद्घाटन सत्रमा सहभागी मुलुकका खेलाडीको मार्चपास हुनेछ । सो मार्चपासमा नेपालको राष्ट्रिय झन्डा बोक्न पारसलाई सिफारिस गरिएको हो । काठमाडौं, पोखरा र जनकपुरमा मंसिर १५ देखि २४ गतेसम्म हुनेछ । उक्त प्रतियोगिताको राष्ट्रपति विद्यादेवी भण्डारीले आइतबार दशरथ रंगशालामा विशेष समारोहबीच उद्घाटन गर्ने कार्यक्रम छ ।
प्रतियोगितामा भाग लिन पाकिस्तान, माल्दिभ्स,भारत,बङ्गलादेश, भुटान, श्रीलंकाका पाँच हजारको सङ्ख्यामा खेलाडी, प्रशिक्षक र अफिसियल कर्मचारी आउने क्रम सुरू छ । सागलाई सफल वनाउन कम्तिमा २० हजार सुरक्षाकर्मी खट्ने राष्ट्रिय खेलकुद परिषद्ले जानकारी दिएको छ ।