१३ औं दक्षिण एसियाली खेलकुद सागको भव्य तयारी
ललितपुर । ललितपुरको सातदोबाटोस्थित एन्फा कम्प्लेक्स परिसरमा १३ औं दक्षिण एसियाली खेलकुद सागको भव्य तयारी भएको छ । तयारी स्वरुप एन्फा कम्प्लेक्सको मूल गेटमा ठूला होडिङबोर्ड राखेर चिटिक्क पारिएको छ । त्यहाँका प्रत्येक विजुलीका पोल र फलामे बारमा सागमा समावेश गरिएका खेल सम्वन्धी रङ्गीचङ्गी होडिङबोर्ड राखिएको छ ।
ललितपुरमा सागका नौ खेल हुनेछन् । त्यसमध्ये चार वटा खेल सातदोबाटोको खेलपरिसरमा हुने अन्तर्राष्ट्रय खेलकुद परिसरका निमित प्रमुख रामचन्द्र कार्कीले जानकारी दिएका छन् । त्यहाँ स्वीमिङ, बक्सिङ, कराते र शुटिङलगायतका खेलहरु हुने उनले वताए । स्वीमिङ खेल मंसिर २० गतेबाट सुरु हुने भएकोले खेलाडीहरु आउने क्रम जारी छ ।
