सात राष्ट्रका खेलाडी आउने क्रम सुरू
काठमाडौं । १३ औं दक्षिण एसियाली खेलकुद (साग) अन्तगर्त सहभागी हुने सात राष्ट्रका खेलाडी आउने क्रम सुरू भएको छ । औपचारिक रुपमा सागको उद्घाटन १५ गते आइतबार हुने भए पनि भलिबलसँगै केही खेल अगावै सुरु हुँदैछन् । जसका लागि सहभागी हुने सात राष्ट्रका खेलाडी आउने क्रम सुरू भएको हो ।
जसमध्ये भलिबलका लागि बंगलादेश, श्रीलंका र माल्दिभ्सको टोली आइपुगेको छ । अन्य खेलका खेलाडी अभ्यस्त हुन केहीदिन अगाडी नै काठमाडौं आइपुगेका छन् । स्विमिङका खेलाडी आइसकेका छन् भने एथ्लेटिक्कका खेलाडी पनि आइरहेका छन् । यसैबीच सागको चहलपहल बढ्दो छ । दशरथ रंगशाला सजाउने काम चलिरहेको छ भने चोक(चोकमा सागका ठुल–ठुला ब्यानर र पोस्टर टाँसिएको देखिन्छ ।