सागको पुरुष भलिबलमा नेपाल समूह ‘ए’मा
काठमाडौं । नेपालमा आयोजना हुने १३ औँ दक्षिण एसियाली खेलकुद प्रतियोगिता (साग)को पुरुष भलिबलको खेल तालिका सार्वजनिक भएको छ ।
तालिका अनुसार नेपाल समूह ‘ए’मा परेको छ । नेपाल रहेको समूहमा भारत पनि छ । नेपाल यसअघि भारतसँग भएको तीन मैत्रीपूर्ण खेलमा पराजित भएको थियो । नेपाल रहेको समूहमा भारत र बंगलादेश रहेका छन् ।
त्यस्तै समूह ‘बी’मा श्रीलंका, पाकिस्तान र माल्दिभ्स रहेका छन् । त्रिपुरेश्वरस्थित कभर्डहलमा हुने प्रतियोगिता लिग कम नकआउटका आधारमा हुनेछ ।
नेपालले समूह चरणको पहिलो खेलमा आगामी बुधबार बंगलादेशसँग खेल्नेछ । समूह चरणको शीर्ष दुई टिम प्रतियोगिताको सेमिफाइनलमा प्रवेश गर्नेछन् ।
