दक्षिण एसियाली आर्चरी महासंघको अध्यक्षमा गुरुङ
काठमाडौं । नेपाल आर्चरी संघका अध्यक्ष दीपकराज गुरुङ दक्षिण एसियाली आर्चरी महासंघ (साफ) को अध्यक्षमा चयन भएका छन् ।
बंगलादेशमा बसेको आर्चरी महासंघको बोर्ड बैठकले नेपाल आर्चरी संघका अध्यक्ष गुरुङलाई चार वर्षका लागि चयन गरेको हो ।
साफका संस्थापक सदस्य रहेका गुरुङ यसअघि वरिष्ठ उपाध्यक्ष थिए । साफले विज्ञप्ति जारी गरी गुरुङ एक साताअघि नै अध्यक्षमा चयन भएको जानकारी दिएको छ ।
साफका महासचिव काजी राजीव उद्दिन एहमेद चपोलले गुरुङको अध्यक्षतामा दक्षिण एसियामा आर्चरीको गतिविधि बढ्ने र सफल कार्यकालको शुभकामना व्यक्त गरेका छन् ।