सिंगापुरमा जारी त्रिकोणात्मक टि–ट्वान्टी सिरिजमा नेपालको शानदार जित



काठमाडौं । कप्तान पारस खड्काको उत्कृष्ट शतकसँगै नेपालले सिंगापुरमा जारी त्रिकोणात्मक टि–ट्वान्टी सिरिजमा घरेलु टोलीमाथि ९ विकेटको शानदार जित निकालेको छ ।

सिरिज अन्तगर्त शनिबार भएको दोस्रो खेलमा कप्तान खड्का र आरिफ शेखको उत्कृष्ट साझेदारीसँगै नेपालले सिंगापुरमाथि ९ विकेटको शानदार जित निकालेको हो ।

इन्डियन एसोसियसन मैदानमा १ सय ५२ रनको लक्ष्य पछ्याएको नेपालले २४ बल बाँकी छँदै ९ विकेटको जित निकालेको हो । जितसँर्गै नेपालले दुइ महिनाअघि सिंगापुरविरुद्ध विश्वकप छनोटमा हारेको बदला पनि लिएको छ । नेपालको जितमा कप्तान खड्काले अविजित १ सय ६ रन बनाए । ५२ बलको सामना गरेका कप्तान पारसले ७ चौका र ९ छक्काको मद्दतमा १ सय ६ रन बनाएका हो ।

टि–ट्वान्टी क्रिकेटमा आजसम्मकै उत्कृष्ट साझेदारी गर्न मद्दत गरेका आरिफ शेख ३९ रनमा अविजित रहे । आरिफले ३८ बलमा ५ चौका प्रहार गरे । इशान पाण्डे ५ रनमा पवेलियन फर्किएपछि नेपालको इनिङस पारस र आरीफले सम्हालेका हुन् ।

उनीहरुबीच आजसम्कै १ सय ४५ रनको किर्तिमानी साझेदारी भएको हो । यसअघि टस जितेर पहिले ब्याटिङ गरेको सिंगापुरले निर्धा्रित २० ओभरमा ३ विकेट गुमाउँदै १५१ रन बनाएको थियो ।

सिंगापुरका लागि टिम डेभिडले अर्धशतकीय पारी खेले पनि टोलीलाई जिताउन सकेनन् । ४४ बल खेलेका उनले ३ चौका र ४ छक्काको सहयोगमा ६४ रन बनाएका थिए । सुरेन्दन चन्द्रमोहनले ३५ रन बनाए ।

सिंगापुरका लागि जनक प्रकाशले २५ रन जोड्दा मनप्रित सिंहले १५ रनको योगदान दिएका थिए । नेपालका लागि करण केसीले दुई विकेट लिँदा टि–ट्वान्टी क्रिकेटमा डेब्यू गरेका सुशन भारीले एक विकेट लिए ।

आज जित निकालेको नेपालले अब अर्को खेल जिम्बाब्बेसँग खेल्नेछ । यसअघि नेपाल हिजो पहिलो खेलमा जिम्बाब्वेसँग ५ विकेटले पराजित भएको थियो । जिम्बाब्बेपछि नेपालले सिंगापुरसँग खेल्नेछ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अग्रजहरुले गरेको मार्ग–निर्देशन अक्षरशः पालना र अधुरा योजना पूरा गर्छुः महानिरीक्षक कुँवर

काठमाडौं । नवनियुक्त प्रहरी महानिरीक्षक वसन्तबहादुर कुँवरले प्रहरी प्रधान कार्यालयले प्रहरी सेवाका सन्दर्भमा

भैरहवामा पहिलो पटक इण्डो–नेपाल बक्सिङ हुने

भैरहवा । शनिबार भैरहवामा इण्डो–नेपाल बक्सिङ खेलको आयोजना हुने भएको छ । भारतीय

फिफा वरियतामा नेपालको तीन स्थान सुधार

काठमाडौं । नेपाली महिला फुटबल टोलीको फिफा वरियतामा तीन स्थान सुधार भएको छ

खप्तड गोल्डकपमा खुमलटारलाई हराउँदै एभिनर सेमिफाइनलमा

धनगढी । छैठौं संस्करणको मुख्यमन्त्री सुदूरपश्चिम खप्तड गोल्डकप अन्तराष्ट्रिय फुटबल प्रतियोगितामा क्यामरुनको एभिनर