नेपाल क्रिकेट संघको अध्यक्षमा चन्द विजयी
काठमाडौं । नेपाल क्रिकेट संघ (क्यान)को अध्यक्षमा चतुरबहादुर चन्द निर्वाचित भएका छन् । शनिबार भएको निर्वाचनमा अध्यक्षका अर्का प्रत्यासी विनयराज पाण्डेलाई हराउँदै चन्द अध्यक्षमा निर्वाचित भएका हुन् ।
अन्तराष्ट्रिय क्रिकेट परिषद (आईसीसी)ले गठन गरेको स्वतन्त्र कमिटीको समन्वयमा शनिबार सम्पन्न विशेष साधारणसभाबाट अध्यक्षमा चन्द निर्वाचित भएका हुन् । उपाध्यक्षमा मिङ्मा डन्डु शेर्पालाई पराजित गर्दै राजुबाबु श्रेष्ठ निर्वाचित भएका छन् ।
सचिवमा अशोकनाथ प्याकुरेल विजयी भएका छन् । उनले विनोदकुमार मैनालीलाई पराजित गरेका हुन् । कोषाध्यक्षमा रोशन कुमार सिंह विजयी भएका छन् ।
