संखुवासभामा श्रीमतीको हत्या गर्ने श्रीमान पक्राउ

खाँदबारी । संखुवासभाको चैनपुर नगरपालिका ७ घर भई हाल मादी नगरपालिका –०४ डाँडागाउँ बस्दै आएका अन्दाजी ५६ वर्षीय अमरबहादुर सार्कीले आफ्नै ४३ वर्षीया श्रीमती फुलमाया मुदेललाई खुकुरी प्रहार गरी हत्या गरेका छन् ।

घरायसी विवादका क्रममा उनले खुकुरी प्रहार गरी श्रीमतीको हत्या गरेका हुन् । घटनामा प्रयोग गरिएको खुकुरी सहित अमरबहादुर सार्कीलाई नियन्त्रणमा लिई घटनाबारे आवश्यक अनुसन्धान तथा कानुनी प्रक्रिया अघि बढाइएको जिल्ला प्रहरी कार्यालयले संखुवासभाले जनाएको छ ।