दैनिक कति हराउँछन् बालबालिका ? यस्तो छ देशभरको तथ्यांक
काठमाडौं । यसवर्षको पुस मसान्तसम्म देशभरबाट तीन हजार ६९८ बालबालिका हराएकोमा तीन हजार एकसय ६ जना फेला परेका प्रहरीले जनाएको छ ।
नेपाल प्रहरीले बुधबार तथ्यांक सार्वजनिक गर्दै बेपत्ता मध्ये ५९० जनाको खोजी जारी रहेको र दुई जनाको मृत्यु भएको जानकारी दिएको हो । हराउनेमा बालक भन्दा बालिकाको संख्या बढी रहेको छ । यो अवधिमा काठमाडौं उपत्यकाबाट ४१२ बालिका र २५० बालक हराएका थिए ।
