‘द रिकभरिङ ग्रुप’ले यसरी मनायो वार्षिकोत्सव

काठमाडौं । ३७ औं लागूऔषध दुरुपयोग एवं ओसारपसार विरुद्धको अन्तर्राष्ट्रिय दिवस तथा यूवा सहयोगी समूह पुनःस्थापना केन्द्र(The Recovering Group)को बुधबार १९ औ वार्षिक उत्सव मनाइएको छ ।

संस्थाका अध्यक्ष दीपक कुमार उप्रेतीज्यूको सभापतित्व र बुढानिलकण्ठ नगरपालिकाका नगर उपप्रमुख अनिता लामाको प्रमुख अतिथित्यमा भएको कार्यक्रममा वडा नम्बर ६ का वडा अध्यक्ष रवि खड्का, वडाका वडा सदस्य मेनुका भुसाल, समाजसेवी तथा बुद्धिजीवीहरू, शिक्षाप्रमीहरू, विकासप्रमीहरू, विभिन्न संघ सस्थाका प्रतिनिधि र यसै संस्थामा उपचाररत व्यक्तिका आफन्त तथा परिवारजनलगायत सहभागी थिए ।

कार्यक्रममा संस्थाका सहसचिव सुरेन्द्र तामाङले दुर्व्यसन सम्बन्धी, यसको न्यूनीकरण, रोकथाम र यसबाट बच्ने उपायहरूबारे प्रकाश पारेका थिए । कार्यक्रममा संस्थाका अध्यक्ष उप्रेतीले दुर्व्यसन र यसका असरहरुबारे, ३० वर्षे आफ्नो दुर्व्यसनी जीवन र आफ्नो संस्था नाफामुखी नभई सेवामूखी भएकोबारे बताएका थिए । कार्यक्रमलाई यसै संस्थाका काउन्सिलर काउन्सिलिङ साइकोलोजिस्ट मनिष पाठकले संचालन गरेका थिए ।