धनगढीबाट चितुवाको छाला र चरेससहित प्रहरी हवल्दार पक्राउ
धनगढी । कैलालीको धनगढीस्थित एक होटलबाट प्रहरीले चरेस र चितुवाको छाला बरामद गरेको छ । बुधबार साँझ धनगढीको जुमेरा होटलबाट चरेस र चितुवाको छालासहित तीन जनालाई पक्राउ गरेको हो ।
पक्राउ पर्नेमा प्रहरी सहायक हवल्दार करनबहादुर चन्द, बाजुराको गौमुल गाउँपालिका–१ का २६ वर्षीय धनकृष्ण रोकाया र बुढीगंगा नगरपालिका– १० बस्ने ३० वर्षीय हेमराज जोशी रहेका वडा प्रहरी कार्यालयका प्रमुख प्रहरी निरीक्षक जनक ढुंगानाले जानकारी दिए । उनीहरुको साथबाट चितुवाको छाला र साढे ६ किलो चरेस बरामद गरेको प्रहरीले जनाएको छ ।