सुन तस्करी प्रकरणमा थप एकजना पक्राउ
काठमाडौं । सुन तस्करी प्रकरणमा थप एकजना पक्राउ परेका छन् । नेपाल प्रहरीको केन्द्रीय अनुसन्धान ब्युरो(सीआईबी)ले बाराका शिव कुमार सराफलाई पक्राउ गरेको हो ।
उनलाई सुन ओसारपसारमा भूमिका खेलेको आरोपमा पक्राउ गरिएको बताइएको छ । उनीसँगै सुन तस्करी प्रकरणमा पक्राउ पर्नेको संख्या २७ पुगेको छ । गत साउन ३ गते त्रिभुवन अन्तर्राष्ट्रिय विमानस्थलबाट बाहिरिएको ६० किलो सुन राजश्व अनुसन्धान विभागको टोलीले बरामद गरेको थियो ।
