ढुवानीका क्रममा टेलिकमको दश लाख रुपैयाँको रिचार्ज कार्ड हरायो
काठमाडौं । नेपाल टेलिकमको दश लाख रुपैयाँको रिचार्ज कार्ड हराएको छ । टेलिकमले बुधबार सूचना जारी गर्दै ५० रुपैयाँ दरका २० हजार रिचार्ज कार्ड ढुवानीका क्रममा हराएको जनाएको छ ।
सी. न. ११२२१२००१३७८०००१ देखि ११२२१२००१३८००००० सम्मको रिचार्ज कार्ड हराएकोले उक्त रिचार्ज कार्डहरू खरिद बिक्री नगर्न र कतै भेटिए नजिकैको दूर सञ्चार कार्यालयमा बुझाइदिन कार्यालयले आग्रह गरेको छ ।
