देवीनगरमा निर्माण गरिएका अनधिकृत संरचना महानगरले हटायो

काठमाडौं । काठमाडौं महानगरपालिकाले धोबीखोला किनार क्षेत्रको देवीनगरमा निर्माण गरिएका संरचनाहरु भत्काएको छ । बुधबार काठमाडौं महानगरपालिकाले त्यस क्षेत्रमा निर्माण गरिएका संरचना भत्काएको हो । महानगरले डोजर चलाएपछि त्यस क्षेत्रमा व्यापार व्यवसाय गर्नेहरुको भागाभाग भएको थियो ।

महानगर प्रहरीले सार्वजनिक जग्गामा बनेको घर टहरा, मापदण्ड विपरीतको होर्डिङ बोर्ड, नक्साविपरितको बेसमेण्ट तथा फुटपाथ व्यवसाय हटाउँदै आएको छ । डोजरले आफूले व्यापार गर्दै आएको ठाउँ भत्काएपछि उनीहरुले सामान ओसार्न थालेका हुन् ।