कपिलवस्तुको मायादेवीमा भारतीय नागरिकमाथि गोली प्रहार

बुटवल । कपिलवस्तुको मायादेवी गाउँपालिकामा गोली प्रहारबाट एक भारतीय नागरिक घाइते भएका छन् । गाउँपालिकाको वडा नम्बर ४ चाकरचौडास्थित एक होटलमा भारत सिद्धार्थनगरको अलिगढवाका ३५ वर्षीया इरशाद खानमाथि गोली प्रहार भएको हो ।

खानको काँध र कम्मरमा गोली लागेको कपिलवस्तु प्रहरी उपरीक्षक प्रेमबहादुर बस्नेतले जानकारी दिए । घाइते खानलाई उपचारका लागि भारतको गोरखपुर मेडिकल कलेज लगिएको छ । पैसाको लेनदेनको विषयमा गोली प्रहार भएको आशंका गरिएको छ । प्रहरी कार्यालय कपिलवस्तुले घटनामा संलग्नको खोजी भइरहेको जनाएको छ ।