ठमेलबाट ३० लाख लुटपाट गरेको आरोपमा तीनजना पक्राउ



काठमाडौं । प्रहरी भन्दै लुटपाट गरेको आरोपमा तीन जना पक्राउ परेका छन् । काठमाडौं उपत्यका अपराध अनुसन्धान कार्यालयले लुटपाटमा संलग्न भएको आरोपमा तीन जनालाई पक्राउ गरेको छ ।

पक्राउ पर्नेमा भोजपुरको रामप्रसाद राई गाउँपालिका–१ का २९ वर्षीय योगेन्द्र तामाङ, सिन्धुलीको मरिण गाउँपालिका–३ का ३० वर्षीय देव लामा र रामेछापको सुनापती गाउँपालिका–१ का २० वर्षीय मिनबहादुर तितुङ (रोहित) छन् ।

भदौ २२ गते साँझ ७ बजेतिर ठमेलमा सञ्चालित ओरियन्टल मनि एक्सचेन्ज बन्द गरी कोठा जाने क्रममा म्हैपी पानी ट्यांकीनजिकै पुग्दा तीन वटा मोटरसाइकलमा आएका पाँच जना व्यक्तिले ३० लाख रकम लुटपाट गरेको भन्दै प्रहरीमा जाहेरी परेको थियो ।

आफूहरु प्रहरी भएको बताउँदै उनीहरुले जबरजस्ती मोटरसाइकलमा राखी म्हैपी, सोह्रखुट्टे, खुसिबु हुँदै शोभा भगवतीको पलमुनि पुर्याएर हातपात गर्दै ३० लाख २३ हजार २०८ रुपैयाँ, आइफोन मोबाइल, लाइसेन्स र ब्लु बुक भएको झोला लुटपाट गरेका थिए ।

लुटपाट भएको भन्दै जाहेरी आएपछि अनुसन्धानमा खटिएको प्रहरी टोलीले उनीहरुलाई बुधबार कपनबाट पक्राउ गरेको हो । पक्राउ परेकाहरुलाई अपहरण, डाँका तथा चोरीको कसुरमा अनुसन्धानका लागि जिल्ला प्रहरी परिसर काठमाडौं पठाइएको अपराध अनुसन्धान कार्यालयका एसपी तथा प्रवक्ता कृष्ण कोइरालाले जानकारी दिए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कोशी,मधेस, बाग्मती,गण्डकी र सुदूरपश्चिम प्रदेशका केही स्थानमा भारी वर्षा हुने

काठमाडौँ । हाल देशभर मनसुनी वायुको प्रभाव रहेको तथा मनसुनको न्यून चापीय रेखा

सिमलताल दुर्घटनामा फेला परेका १९ शवमध्ये १४ को सनाखत

काठमाडौँ । चितवनको भरतपुर महानगरपालिका–२९ अन्तर्गत नारायणगढ–मुग्लिन सडकको सिमलतालमा गत शुक्रबार पहिरोमा परी

विपद्जन्य घटनामा परी एक सय २४ जनाको मृत्यु

काठमाडौँ । अविरल वर्षाका कारण गत जेठ २८ गतेदेखि देशका विभिन्न स्थानमा आएको

बाढी पहिरोबाट एक सय ६३ राष्ट्रिय राजमार्ग प्रभावित

काठमाडौँ । बाढीपहिरो जस्ता मनसुनजन्य विपद्का कारण गएको २४ घण्टामा एक सय ६३