युवकमाथि छुरा प्रहार गरेको आरोपमा एकजना पक्राउ
काठमाडौं । प्रहरीले धारिलो हतियार प्रहार गरी घाइते बनाएको आरोपमा एकजनालाई पक्राउ गरेको छ । सिन्धुपाल्चोकको तातोपानी नगरपालिका–४ घर भई कागेश्वरी मनोहरा नगरपालिका–५ टीकाथली बस्ने २७ वर्षीय दीपेश शाक्यलाई प्रहरीले पक्राउ गरेको हो ।
छुरा प्रहारबाट सिन्धुपाल्चोक साँगाचोकगढी नगरपालिका–१४ घर भइ हाल कागेश्वरी मनोहरा नगरपालिका–५ बस्ने २५ वर्षीय राजन श्रेष्ठ घाइते भएका छन् । उनलाई तत्कालै प्रहरी बृत्त बौद्धबाट प्रहरी अधिकृतसहितको प्रहरी टोलीले अस्पताल पुर्याएको छ ।
उनको साथबाट प्रहरीले २४ सेन्टिमिटरको छुरा र छुरा लुकाइएको सिरानीको खोल प्रहरीले बरामद गरेको छ । शाक्यमाथि ज्यान मार्ने उद्योग मुद्दामा काठमाडौं जिल्ला अदालतबाट ४ दिनको म्याद थप अनुमति लिई प्रहरी वृत्त बौद्धबाट थप अनुसन्धान भइरहेको छ ।
