विनोद शाही मृत्यु प्रकरणः आरोपित ४ जना पुर्पक्षका लागि कारागार चलान
अछाम । अछामको पञ्चदेवल विनायक–४ का विनोद शाही मुत्यु प्रकरणमा जिल्ला अदालत अछामले चार जनालाई पुर्पक्षका लागि थुनामा राख्न आदेश दिएको छ । अदालतले हत्या आरोपमा पक्राउ परेका सोही ठाउँका पृथ्वी शाही, वीरेन्द्र शाही, महेन्द्र शाही र देवेन्द्र शाहीलाई पुर्पक्षका लागि थुनामा राख्न आदेश दिएको हो ।
शाहीको हत्या हत्या गरिएको भन्दै परिवारले पञ्चदेवलकी मेयर अम्बिका चलाउने, वडा नम्बर ४ का निवर्तमान अध्यक्ष सदनबहादुर शाही, दानमति बम शाहीसहित १३ जनाविरुद्ध किटानी जाहेरी दिएको थियो ।
तर, मेयर चलाउनेसहित ३ जनाविरुद्ध मुद्दा चलाउन प्रमाण नपुग्ने भन्दै सरकारी वकिलको कार्यालयले मुद्दा नचलाउने निर्णय गरेको थियो। प्रहरीले मेयर चलाउने, नेत्रबहादुर शाही र रामबहादुर शाही हत्यामा संलग्न भएको कुनै पनि प्रमाण नभएको भन्दै अनुसन्धानपछि सरकारी वकिल कार्यालयमा प्रतिवेदन बुझाएको थियो।
