गोरखाको सुलिकोटमा एकैघरका तीन जना मृत फेला
गोरखा । गोरखाको बारपाकमा एक घरमा तीन जना मृत फेला परेका छन् । बारपाक सुलिकोट १ मा एउटै घरभित्र एक जना पुरुष र २ महिला मृत फेला परेका जिल्ला प्रहरी कार्यालय गोरखाले पुष्टि गरेको हो । मृतक सबैको मुखबाट फिज आएको प्रहरीले जनाएको छ ।
प्रहरीका अनुसार मृत्यु हुनेमा ८४ वर्षका दिलबहादुर गुरुङ, २२ वर्षीया आइतकुमारी गुरुङ र १३ वर्षीया उषा गुरुङ रहेका छन् । दिलबहादुर र आइतकुमारी ससुरा बुहारी हुन् भने उषा उनीहरुका नातेदार भएको स्थानीयले जानकारी दिएका छन् । आज बिहान अबेरसम्म पनि घरको ढोका नखुले पछि घर भित्र गएर हेर्दा तीनै जना मृत भेटिएपछि गाउँलेले प्रहरीलाई खबर गरेका थिए ।