झापाको भुटानी शरणार्थी शिविरमा आगलागी हुँदा एक जनाको मृत्यु

झापा । झापाको दमकस्थित बेलडाँगी भुटानी शरणार्थी शिविरमा आगलागी हुँदा जलेर एकजनाको मृत्यु भएको छ । प्रहरीका अनुसार गएराति अचानक आगलागी हुँदा शिविरको सेक्टर नम्बर डि ४, छाप्रा नम्बर ३२५ बस्ने ६० वर्षीय देशमान राईको मृत्यु भएको हो । राई पक्षघातका बिरामी थिए ।

बाँसको टाटीले बारेको टिनको छाना भएको एकतले छाप्रामा बस्दै आएका उजको घटनास्थलमै जलेर मृत्यु भएको प्रहरी प्रवक्ता राकेश थापाले जानकारी दिए । आगलागीबाट छाप्रा नष्ट हुँदा छाप्राभित्र रहेको सुन एक तोला, चाँदी १० तोला, नगद तीन लाखसहित खाद्यान्न तथा लत्ताकपडा पूर्णरुपमा जलेको प्रहरीले जनाएको छ ।