रौतहटमा एक युवतीको गोली हानी हत्या
रौतहट । रौतहटको माधवनारायण ननगरपालिका वडा नम्बर ७ लौकाहामा बुधबार राति एक युवतीको गोली हानी हत्या भएको छ । राति ११ बजे सुतिरहेको अबस्थामा १८ बर्षीया अमृता कुमारीको गोली हानी हत्या गरिएको हो । स्थानीय राम अयोध्या साहही छोरी अमृताको हत्या अनुसन्धानका लागि तालिमप्राप्त कुकुर सहित प्रहरी उपरीक्षक सिद्धि बिक्रम शाहको टोली घटनास्थल पुगेको छ ।
२०७६ फागुनमा अमृताको बिवाह सर्लाहीको मधुवनगोठका रुपेश साहसँग भएपनि त्यसको केही समयपछि नै अमृता माईतमा बस्दै आएकी थिइन् । गत असारमा अमृताको सम्बन्ध विच्छेद भएको थियो ।