चक्कु प्रहार गरी युवकको हत्या गरेको आरोपमा एक जना पक्राउ
काठमाडौं । काठमाडौँको टोखा नगरपालिका–९ मा धारिलो हतियार प्रहारबाट एक जनाको मृत्यु भएको छ । गोङ्गबु बसपार्क नजिकै दीपज्योतिमा शुक्रबार साँझ चक्कु प्रहार गरी नुवाकोटका २४ वर्षीय लक्ष्मण तामाङको हत्या भएको हो ।
महानगरीय प्रहरी परिसर काठमाडौँका प्रवक्ता सोमेन्द्रसिंह राठौरले तामाङको हत्यामा संलग्न दोलखाका २४ वर्षीय आङदोर्जे शेर्पालाई शनिबार बिहान माछापोखरीस्थित नागार्जुन गेष्ट हाउसबाट पक्राउ गरिएको जानकारी दिए ।
तारकेश्वरस्थित गोर्खा खाजा घरमा शुक्रबार राति विवाद भएपछि झडप हुँदा चक्कु प्रहारबाट तामाङको मृत्यु भएको थियो । तामाङको शव अहिले ग्रिनसिटी अस्पताल बसुन्धरामा राखिएको छ ।
