सडक कालोपत्रे गर्न माग गर्दै बालाजु बाइपासमा प्रदर्शन
काठमाडौं । सडक कालोपत्रे गर्न माग गर्दै बालाजु बाईपासका बासिन्दा आन्दोलित भएका छन् । बालाजु बाइपासमा सडक विस्तारलाई तिब्रता दिन र तत्काल कालोपत्रे गर्न माग गर्दै स्थानीयले मंगलबार प्रदर्शन गरेका हुन् ।
बालाजु बाइपासमा २०१७ सालसम्म सरकारी विद्यालय र पाटी पौवा रहेको जग्गा व्यक्तिले अतिक्रमण गरी बिना लालपुर्जा किनबेच समेत गरिएको थियो । सडक विस्तार गरेर पासाङल्हामु राजमार्ग बनाउने क्रममा बाँकी रहेको सार्वजनिक जग्गा हडपेर बनाइएका टहरा २०७० सालमा हटाइएको थियो ।