सरकार र ‘इनफ इज इनफ’ का अभियन्ता ईः बीच आठ बुँदे सम्झौता, २३ औं दिनमा तोडियो अनसन
काठमाडौँ । सत्याग्रहमा बसेका ‘इनफ इज इनफ’ का अभियन्ता ईः ले २३ औं दिनमा अनशन तोडेका छन् । आइतबार बिहान हृयाम्स अस्पतालमा स्वास्थ्य मन्त्रालय र ‘इनफ इज इनफ’का प्रतिनिधिबीच ८ बुँदे सम्झौतापत्रमा हस्ताक्षर भएसँगै उनले अनसन तोडेका हुन् ।
स्वास्थ्य बिग्रिएपछि अनशनको १७ औं दिनमा ईः लाई अस्पताल भर्ना गरिएको थियो । कोरोनाको प्रभावकारी व्यवस्थापनको माग गर्दै ईः दोस्रो पटक सत्याग्रहमा बसेका हुन् । पहिलो पटक उनी र पुकार बम पाटन दरबार स्क्वायरमा अनशन बसेका थिए ।
सत्याग्रहको १२ औं दिन असार २२ गते सरकारसँग १२ बुँदे सम्झौता भएपछि उनीहरुले अनशन तोडेका थिए । तर यसअघिको सहमति कार्यान्वयन नभएको भन्दै उनी फेरि अनसनमा बसेका हुन् ।
