अमेरिकामा कम्पनी दर्ता गरिदिन्छु भन्दै रकम ठगी गर्ने अमेरिकी नागरिक पक्राउ

काठमाडौं । अमेरिकामा कम्पनी दर्ता गरिदिन्छु भन्दै रकम ठगी गरेको अभियोगमा अमेरिकी नागरिक ६५ वर्षीय डानियल लि लाई महानगरीय अपराध महाशाखाको टोलीले पक्राउ गरेको छ ।

काठमाडौं महानगरपालिका ३२ कोटेश्वरस्थित भक्तपुर सूर्यबिनायक नगरपालिका ६ घर भएका टुक नारायण श्रेष्ठकोQ एटलास सेक्युरिटी प्राईभेट लिमिटेडलाई अमेरिकामा दर्ता गरी पार्टनर बनाउँछु भनी १० लाख रुपैयाँ ठगी गरेको तथा अन्य २ जनालाई बिजनेस भिषामा अमेरिका लान्छु भनी जनही ५ लाख रुपैयाँ ठग्ने प्रयास गर्दागर्दै महाशाखाबाट खटिएको प्रहरीले उनलाई काठमाडौं क्षेत्रपाटीबाट पक्राउ गरेको हो । यस सम्बन्धमा थप अनुसन्धान भइरहेको उक्त महाशाखाले जनाएको छ ।