अपहरणमा परेको भन्दै प्रहरीमा उजुरी गरिएका व्यक्ति होटलमा युवतीसँग भेटिएपछि..

काठमाडौं । अपहरणमा परेको भन्दै प्रहरीमा उजुरी गरिएका व्यक्ति होटलमा युवतीसँग भेटिएका छन् । अपहरणमा परेको भन्दै महानगरीय अपराध अनुसन्धान महाशाखा, बानेश्वरले खोजी गरिरहेका व्यक्ति काठमाडौं चुनदेवीका ३० वर्षीय शक्तिराज रेग्मी होटलमा भेटिएका हुन् । प्रहरीका अनुसार गएराति उनी बसपार्कस्थित सुगन्ध होटलमा भेटिएका हुन् ।

उनी पक्राउ परेपछि अपहरणको नाटक गरेको खुलेको छ र प्रहरीले पक्राउ गरेको छ । विभिन्न व्यक्तिसँग जग्गा व्यवसाय गर्छु भनेर ऋण लिएको रकम फिर्ता दिनु नपरोस् भनेर रेग्मीले अपहरणको नाटक गरेको पाइएको प्रहरीले बताएको छ । गलत सूचनाले प्रहरीलाई हैरानी र राज्यको स्रोत साधनको दुरुपयोग भएको भन्दै उनलाई पक्राउ गरिएको हो ।