कालीकोटबाट २५ जना कोरोनालाई जितेर घर फिर्ता
कालीकोट । कालीकोटबाट २५ जना कोरोनामुक्त भई डिस्चार्ज भएका छन् । कालीकोटको कोभिड १९ आईसोलेसन सेन्टरमा कोरोना कोरोना पुष्टि भई १५ दिनदेखि भर्ना भएका २९ जना मध्ये पीसीआर परिक्षणमा नेगेटिभ भै कोरोना भाइरसलाई परास्त गर्न सफल २५ जनालाई आइतबार डिस्चार्ज गरिएको हो ।
उनीहरुलाई जिल्ला कोभिड १९ संकट व्यवस्थापन केन्द्रले खादा ओढाई बिदाई गरेको थियो । उनीहरूलाई बाँकी २१ दिन होम क्वारेन्टाईनमा बस्न र क्वारेनटाइनमा बस्दा ध्यान दिनुपर्ने कुराहरूका बारेमा आबश्यक परामर्श दिइएको थियो । अब एक जना महिलासहित ३ जना पुरूष आईसोलेसन सेन्टरमा छन् ।
