बीपी प्रतिष्ठानबाट १८ कोरोना संक्रमित निको भई डिस्चार्ज

सुनसरी । सुनसरीको धरानस्थित बीपी प्रतिष्ठानमा उपचाररत केरोना संक्रमितमध्ये १८ जना निको भई घर फर्केका छन् । उनीहरूलाई प्रतिष्ठानले सोमबार राति डिस्चार्ज गरेको हो ।

दुईपटक पीसीआर परीक्षण गर्दा नेगेटिभ रिपोर्ट आएपछि १८ जनालाई डिस्चार्ज गरिएको प्रतिष्ठानका प्रवक्ता डा. निदेश सापकोटाले जानकारी दिएका छन् ।

उनीहरूलाई धरान उपमहानगरका प्रमुख तिलक राई, प्रतिष्ठानका अस्पताल निर्देशक डा. गौरीशंकर साह, सहायक निर्देशक डा. विकास साह, कोरोना फोकल पर्सन डा. इन्द्र लिम्बूलगायतले बिदाइ गरेका थिए । डिस्चार्ज हुनेमा एक जना धरानकी महिला छन् भने बाँकी झापाका छन् । अब प्रतिष्ठानको आइसोलेसनमा ८० जना संक्रमित उपचाररत छन् । उनीहरूको अवस्था पनि सामान्य रहेको प्रतिष्ठानले जनाएको छ ।