दाङको कोराना विशेष अस्पतालबाट थप आठ जना कोरोना संक्रमित निको भई डिस्चार्ज
तुलसीपुर । दाङको बेलझुण्डीस्थित कोराना विशेष अस्पताल उपचाररत आठ जना कोरोना संक्रमित निको भई डिस्चार्ज भएका छन् । कोरोना बिशेष अस्पतालमा भर्ना भएको १४ औं दिनमा उनीहरु निको भई शुक्रबार डिस्चार्ज भएका हुन् ।
निको भएपछि उनीहरुलाई घर पठाइएको अस्पतालका सदस्य सचिव डाक्टर सर्वेश शर्माले जानकारी दिएका छन् । डिस्चार्ज हुनेमा बाँकेको नरैनापुरका तीन जना, कपिलवस्तु कृष्णनगरका दुई जना, कपिलवस्तु शिवराज नगरपालिकाका एक जना र दाङ गढवा गाउँपालिकाका एक जना छन् । उनीहरुलाई फूलका गुच्छा दिएर अस्पतलाले बिदाई गरेको थियो । अहिले कोरोना बिशेष अस्पतालमा ३७ जना संक्रमितको उचार भइरहेको छ ।
