बाहिरबाट आउने मानिसलाई प्रवेश गर्न दिइए घर शिल गर्ने हिटलरको चेतावनी

काठमाडौं । कोरोना संक्रमितको संख्या एकाएक बढेपछि अहिले देशैभर थप सतर्कता अपनाउन थालिएको छ । महानगर, नगर, गाउँपालिका सबैले नागरिकलाई सतर्कता अपनाउन आग्रह गर्दै आएका छन् । सहरी क्षेत्रको हकमा लकडाउनको बीचमा गाउँबाट आएकालाई घरमा प्रवेश गर्न नदिन महानगरका वडाले सूचना जारी गर्न थालेका छन् ।

यस्तो सूचना ललितपुर महानगरपालिका वडा नम्बर ६ का वडा अध्यक्ष हिटलर शाक्यले पनि निकालेका छन् । उनले गाउँ गएका डेरावालाई फोन गरेर अहिले नआउन आग्रह गर्नेदेखि यदि डेरावाल आएमा र उसलाई कोराना लागेको पाइएमा घरधनीलाई क्षतिपूर्ति तिराउने चेतावनीसमेत दिएका छन् ।