लकडाउनमा समस्यामा परेकालाई निःशुल्क खाना खुवाउने तारकेश्वरका युवाहरुको उदाहरणीय काम
काठमाडौं । काठमाडौंको तारकेश्वर नगरपालिका वडा नम्बर ६ का युवाहरुले गरिब र असाय वडाबासीलाई १५ दिनदेखि निःशुल्क खाना खुवाइरहेका छन् । लकडाउनको समयमा समस्यामा परेका नागरिकलाई उनीहरुले निःशुल्क खानाको व्यवस्था गरेका हुन् । उनीहरुले धर्म विद्याश्रम आधारभूत विद्यालयको (महाङ्काल स्कुल) प्राङ्णमा खाना खुवाउने व्यवस्था मिलाएका छन् ।
पहिलो दिन ४० जनालाई खाना खुवाएका उनीहरुले त्यसपछि खाना खानेको संख्या बढेको सायर मर्दन बस्नेतले जानकारी दिए । उनका अनुसार अहिले दिनमा एक सय भन्दा बढीलाई खाना खुवाउने गरिएको छ । उनीहरुले यस अभियानलाई स्थानीयले नगद तथा जिन्सी सामान दिएर सहयोग गरिरहेका छन् । यो अभियान लकडाउनभर संचालन गर्ने उनीहरुले बताएका छन् ।
