विमानस्थलमा सुन फाल्न लगाएर सोफामा लुकाउने शेर्पाविरुद्ध विशेष अदालतमा मुद्दा दायर
काठमाडौं । त्रिभुवन विमानस्थल भन्सार कार्यालयमा कार्यरत कार्यालय सहयोगी डोमा शेर्पाविरुद्ध विशेष अदालतमा मुद्दा दायर भएको छ। अख्तियार दुरुपयोग अनुसन्धान आयोगले बुधवार विशेष अदालतमा मुद्दा दायर गरेको हो। शेर्पा माघ ८ गते थाइ एयरलाइन्सबाट काठमाडौं आएका भियतनामी र कम्बोडियन नागरिकसँग सांकेतिक संवाद गरेर अवैध रुपमा ल्याएको सुन विमानस्थलको प्रमुख भन्सार अधिकृतको कार्यकक्षमा फाल्न लगाएकी थिइन्।
त्यसपछि उनले फालिएको १६८५ ग्राम सुन उपसचिव कर्ण तिमिल्सिनको कार्याकक्षमा रहेको सोफा पछाडि लुकाएको अख्तियारका प्रवक्ता प्रदीपकुमार कोइरालाले जानकारी दिएका छन्। विदेशीले सुन ल्याएको सुचना पाएपछि खानतलासीमा शेर्पा खटिएकी थिइन् ।