नक्कली नोटसहित काठमाडौंबाट दुई जना पक्राउ पक्राउ
काठमाडौं । प्रहरीले नक्कली नोटसहित दुई जनालाई काठमाडौंबाट पक्राउ गरेको छ । महानगरीय प्रहरी वृत्त कालिमाटीबाट खटिएको नेपाल प्रहरीको टोलीले नक्कली नोटसहित दुईजनालाई पक्राउ गरेको हो ।
टोलीले काठमाडौँ महानगरपालिका–१४ कलङ्की चोकबाट एक हजार दरका ३१ थान नक्कली नोटसहित बाराका २७ वर्षीय अनुश थापामगर र २२ वर्षीय रवि आलेमगरलाई आइतबार बिहान पक्राउ गरेको हो ।
महानगरीय प्रहरी कार्यालय रानीपोखरीका प्रवक्ता प्रहरी उपरीक्षक श्यामलाल ज्ञवालीले नक्कली नोट झोलामा बोेकेर हिँडिरहेको बेला उनीहरुलाई पक्राउ गरिएको जानकारी दिए ।