जितसँगै एनआरटी अंक तालिकाको छैटौं स्थानमा
काठमाडौँ । दशरथ रंगशालामा सहिद स्मारक ए डिभिजन लिगमा न्युरोड टिम (एनआरटी) ले नेपाल पुलिस क्लबलाई पराजित गरेको छ । सोमबार एनआरटीले खेलमा पुलिसमाथि १(० को जित हात पारेको हो।
एनआरटीको जितमा दर्शन गुरुङले गरेको गोल निर्णायक बन्यो । उनले ७६ मिनेटमा राजेश परियारले दिएको पासमा डिबक्सबाट गोल गरे । जितसँगै एनआरटी अंक तालिकाको छैटौं स्थानमा उक्लियो ।