ट्राफिक प्रहरीलाई माइक र स्टप बोर्ड हस्तान्तरण
काठमाडौैं । ट्राफिक प्रहरीलाई विभिन्न ट्राफिक सामग्री प्रदान गरिएको छ । सहरी विकास राज्यमन्त्री रामवीर मानन्धरले महानगरीय ट्राफिक प्रहरी महाशाखा प्रमुख भीम ढकाललाई माइक र स्टप बोर्ड हस्तान्तरण गरेका हुन् ।
राज्यमन्त्री मानन्धरले हन्तान्तरण गरिएका सामग्रीले ट्राफिक व्यवस्थापनका लागि सहयोग पुग्ने बताए । पैदल यात्रुलाई व्यवस्थित गर्न सकिए सम्पूर्ण ट्राफिक नै व्यवस्थापन हुने बताउँदै मानन्धरले बाटो काट्दा स्टप लेखिएको बोर्ड बोकेर पास गर्नुपर्ने र माइकबाट पनि सन्देश प्रभाह हुने बताए ।
सुरुमा सिंहदरबार र बानेश्वरमा परीक्षणका रुपमा उक्त सामग्री प्रयोग गरिने छन् । ट्राफिक प्रहरीलाई प्राप्त सामग्रीहरुको भरपुर उपयोग गर्ने महानगरीय ट्राफिक प्रहरी महाशाखा प्रमुख ढकालले बताए ।