खोला उत्खननको विरोध गर्ने युवकको हत्या
जनकपुरधाम । खोला उत्खननको विरोध गर्न पुगेका एक युवकलाई धनुषामा हत्या गरिएको छ । मिथिला नगरपालिका ५ श्रीपुरका २४ वर्षीय दिलिप महतोलाई ना. ७ ख. ६४१३ नम्बरको टिपरले किचेर शुक्रबार विहान हत्या गरेको हो ।
महतोको घर नजिकै रहेको खोलामा उत्खनन भइरहेको बेला मोर्निङवाक गएका समयमा महतोले विरोध गर्दा टिपरले किचेर उनलाई मारेको स्थानीयले बताएका छन् ।
इलाका प्रहरी कार्यालय ढल्केबरका प्रहरी निरीक्षक रामकुमार यादबले पनि घटनाको प्रकृति हेर्दा टिपरले किचेर हत्या गरेको देखिएको बताए । टिपरले किचेपछि महतोको घटनास्थलमै मृत्यु भएको बताइएको छ । घटनापछि टिपर चालक फरार भएका छन् ।
