आगामी शनिबार बौद्ध स्तुपा परिसरमा स्वास्थ्य शिविर आयोजना गरिने
काठमाडौं । बाल सचेतना केन्द्र नेपालको आयोजना तथा बौद्धनाथ क्षेत्र विकास समितिको संयोजनमा आगामी शनिबार बौद्ध स्तुपा परिसरमा स्वास्थ्य शिविर आयोजना गरिने भएको छ ।
शिविरमा नेपाल भारत मैत्री हस्पिटलले भिडियो एक्सरे तथा ल्यावसहितको सेवा दिने आयोजकले बताएका छन् । शिविरका लागी आवश्यक तयारी पूरा भएको केन्द्रका अध्यक्ष बाबुराम फुयाँलले जानकारी दिए ।
सरकारले सन् २०२० मा २० लाख पर्यटक भित्राउने मूल उद्देश्य राखेर भ्रमण वर्ष देशभर मनाईरहेका बेला आफूहरुले पनि भ्रमण वर्ष लक्षित शिविर संचालन गर्न लागेको अध्यक्ष फुयाँलले बताए ।
शिविरमा जनरल फिजिसियन, नसा तथा बाथ रोग, बाल रोग, नाक, कान घाँटी, स्त्री रोग, सुगर तथा प्रेसरलगायतका विविध रोगको परीक्षण गरिने बताइएको छ ।