हसिम अन्सारीले उत्कृष्ट अर्ध शतकीय इनिङ खेलेपछि प्रदेश नम्बर दुई विजय
सुनसरी । इनरुवामा हसिम अन्सारीले अविजित उत्कृष्ट अर्ध शतकीय इनिङ खेलेपछि समुह बी को दोस्रो खेलमा प्रदेश नम्बर २ ले कर्णाली प्रदेशलाई ८ विकेटले हराएको छ । जारी मनमोहन मेमोरियल राष्ट्रिय एकदिवसिय क्रिकेट प्रतियोगिता अन्तर्गत समुह बी को दोस्रो खेलमा प्रदेश नम्बर २ ले कर्णाली प्रदेशलाई ८ विकेटले हराएको हो ।
१ सय ३० रनको विजयी लक्ष्य पछ्याएको प्रदेश २ ले २२.५ ओभरमा २ विकेट गुमाउँदै पुरा गर्यो । प्रदेश २ को जितमा हसिम अन्सारी ७३ बलमा ११ चौका र १ छक्का सहित ८० रनमा अविजित रहे । सुरज पटेल ५० बलमा १ चौका र १ छक्का सहित ३३ रनमा अविजित रहे ।
ओपनर हरि शंकर शाहलाई ५ र सुधिर चौधरीले २ रनमा गुमाएपनि तेस्रो विकेटका लागि हसिम र सुरजले १ सय १८ रनको शतकीय अविजित साझेदारी गर्दै सहज जित पक्का गरे । कर्णालीका कन्जु र दिनेश अधिकारीले १(१ विकेट लिए ।
इनरुवा क्रिकेट मैदानमा टस जितेर ब्याटिङ थालेको कर्णाली ३१।५ ओभरमा अल आउट हुँदै १ सय २९ रनमा समेटियो । कर्णालीका कप्तान तथा ओपनर रविन्द्र जंग शाहीले सर्वा्धिक ४६ रनको योगदान दिए ।
