जीप दुर्घटनामा परी मकवानपुरमा तीन जनाको मृत्यु
काठमाडौं । मकवानपुरको इन्द्रसरोवर गाउँपालिकास्थित रामचन्द्र भञ्ज्याङमा शुक्रबार जीप दुर्घटना हुँदा तीन जनाको मृत्यु भएको छ ।
हेटौंडाबाट काठमाडौं आइरहेको ना१ज ३४३३ नम्बरको जीप रामचन्द्र भञ्ज्याङको पाटेखोलामा दुर्घटना भएको हो । जीप सडकबाट करिब ५ सय मिटर तल खसेको प्रहरीले जनाएको छ ।
दुर्घटनामा एक महिला र दुई पुरुषको मृत्यु भएको छ । उनीहरुले सनातख भएको छैन । घाइते पाँच जनालाई स्थानीय र प्रहरीले उद्दार गरी अस्पताल पठाएका छन् ।