ट्रकको ठक्करबाट थानकोटमा एक जनाको मृत्यु
काठमाडौं । ट्रकको ठक्करबाट काठमाडौंको चन्द्रागिरी नगरपालिका–७ चेकपोष्ट बस्दै आएका ४१ वर्षीय अर्जुन बहादुर केसीको मृत्यु भएको छ । छोरालाई मोटरसाइकलको पछाडि राखेर कलंकीस्थित विद्यालय पुर्याउन हिँडेका अर्जुनलाई मंगलबार बिहान गुर्जुधारामा नम्बर नखुलेको ट्रकले किचेको हो ।
प्रदेश ३ ०२ ००९ प ७६२१ नम्बरको मोटरसाइकलमा बसेका उनका छोरा भने सकुशल रहेका प्रहरीले जानकारी दिएको छ । स्थानीय र मृतकका आफन्तले ठक्कर दिने सवारी साधन पता नलगाए सम्म शव उठाउने र गल्ती गर्ने चालकलाई कारबाहीको माग गरेका छन् ।
अहिले शव उठाएको र यातायात सूचारु भएको महानगरीय ट्राफिक प्रहरी कार्यालयले जनाएको छ । दुर्घटना गराएर ट्रकसहित फरार चालकलाई प्रहरीले खोजी गरिरहेको छ ।