जिप दुर्घटनामा परी उदयपुरमा तीन जनाको मृत्यु, पाँच घाइते
उदयपुर । उदयपुरको गोठडाँडामा जिप दुर्घटना हुँदा तीन जनाको मृत्यु भएको छ । उदयपुरगढी गाउँपालिका ३ को गोठडाँडामा बिहीबार बिहान जिप दुर्घटना हुँदा तीन जनाको घटनास्थलमै मृत्यु भएको हो ।
भारतीय नम्बर प्लेटको बोलेरो अनियन्त्रित भई सडकबाट करिब दुई सय मिटर तल खसेर दुर्घटना भएको प्रहरीले जनाएको छ ।
दुर्घटनामा उदयपुरगढी गाउँपालिका ३ का टिकनारायण श्रेष्ठ, उनका भाइ मिननारायण श्रेष्ठ र ढकबहादुर मगरको मृत्यु भएको जिल्ला प्रहरी कार्यालयका एसपी बीरबहादुर बुढामगरले जानकारी दिए । दुर्घटनामा पाँच जना घाइते भएका छन् । भारतको सिक्किममा रहेका आफन्त भेटघाट गरेर घर फर्कनेक्रममा जिप दुर्घटना भएको हो ।