गुहेश्वरी फोहोर पानी प्रशोधन केन्द्रको उद्घाटन छिट्टै गरिने



काठमाडौं । खानेपानी मन्त्री बिना मगरले काठमाडौंको गुहेश्वरीमा निर्माणाधीन बागमतीको फोहोर पानी प्रशोधन केन्द्रको उद्घाटन छिट्टै गरिने बताएकी छन् ।

मन्त्री मगरले शुक्रबार प्रशोधन केन्द्रको निरिक्षण गरी निर्माण कार्य अन्तिम चरणमा पुगेकाले अब छिट्टै उद्घाटन हुने मिति तय गरिने बताएकी हुन् । उनले प्रशोधन केन्द्रको सबै काम सकिएको भएपनि यसको सुन्दरता निर्माण र पार्क निर्माण लगायतको काम सम्पन्न नभएकाले अझै केही समय लाग्ने बताइन् । दुई वर्ष अघि निर्माण थालिएको प्रशोधन केन्द्रको निर्माण कार्य २०७६ साउन महिनामा सम्पन्न गरिसक्नुपर्ने थियो ।

तर केही ढिला भएपनि काम सम्पन्न भएको मन्त्री मगरले बताइन् । सरकारले बागमती नदिको सफाई अभियान अन्तर्गत काठमाडौं उपत्यकाको ढल सिधै नदीमा मिसिन नदिन ढल प्रशोधन केन्द्र निर्माण गरेको हो ।

२ अर्ब ५५ करोड ८३ लाख २० हजार रुपैयाँ लागतमा निर्माण गरिएको यो प्रशोधन केन्दका लागि एसियाली विकास बैंक (एडीबी) ले १ अर्ब ४० करोड ७० लाख ७६ हजार रुपैयाँ ऋण सहयोग गरेको छ । प्रशोधन केन्द्रबाट बायो ग्याससँगै विद्युत समेत निकाल्ने योजना सरकारको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
हल्ला नगरीकन छिट्टै नै खोप ल्याएर चमत्कारी देखाउने छौँः स्वास्थ्यमन्त्री

काठमाडौं । स्वास्थ्य तथा जनसङ्ख्या मन्त्रालयले बाढीपहिरो प्रभावित क्षेत्रका सर्वसाधारणलाई कोरोना भाइरसविरुद्धको खोप

सिन्धुपाल्चोकका बाढीपहिरो प्रभावितलाई प्रतिपरिवार आठ बन्डल जस्तापाता दिइने

काठमाडौं । प्रधानमन्त्री केपी शर्मा ओलीले सिन्धुपाल्चोकमा बाढी पहिरोबाट विस्थापित परिवारका लागि प्रतिपरिवार

राष्ट्रपतिले ७६(५) बमोजिम ओली मात्रै होइन कसैलाई पनि नियुक्ति गर्न पाउदिन भन्न पाउनुहुन्नः वरिष्ठ अधिवक्ता भट्टराई

काठमाडौँ । वरिष्ठ अधिवक्ता टीकाराम भट्टराईले राष्ट्रपतिलाई संवैधानिक दायित्व निर्वाह गर्दिन भन्ने अधिकार

उपरथीमा बढुवा भएका राणालाई दर्ज्यानी चिह्न प्रदान

काठमाडौं । प्रधानसेनापति पूर्णचन्द्र थापाले पाइलट सहायक रथीबाट उपरथीमा बढुवा भएका आशिष नरसिंह