राइड थ्रु सिन्धुलीगढी साइकल यात्रा सुरु
काठमाडौं । राइड थ्रु सिन्धुलीगढी साइकल यात्रा काठमाडौंबाट सुरु भएको छ । पशुपति क्षेत्रबाट पर्यटनमन्त्री योगेश भट्टराईले शुक्रबार साइकल यात्राको शुभारम्भ गरेका हुन् ।
समृद्ध सिन्धुली अभियानले हरेक बर्ष आयोजना गर्दै आएको साइकल यात्रामा यस बर्ष साइकल यात्रीहरुको उल्लेख्य सहभागिता रहेको । शुक्रबारबाट सुरु भएको साइकल यात्रा जनकपुरको जानकी मन्दिरमा पुगेर समापन हुनेछ । यात्रामा एक सय ६७ जना साइकलयात्री सहभागी छन् जसमा १८ जना महिला साइकलयात्री सहभागी छन् ।
यो साइकल यात्राका महिला सहभागीहरुलाई संयुक्त राष्ट्र संघ र व्रिटिस काउन्सिलले सहयोग गरेको छ । समृद्ध सिन्धुली अभियानले सिन्धुलीगढीको प्रबद्र्धन गर्न चार बर्षदेखि राइड थ्रु सिन्धुलीगढी आयोजना गर्दै आएको छ । साइकल यात्रीले २५० किलोमिटरको यात्रा ४ दिनमा सम्पन्न गर्ने छन् ।
