हात्तीको आक्रमणबाट चितवनमा बाबुछोराको मृत्यु
चितवन । चितवनको माडी ठोरी हुलाकी सडकमा शनिबार बिहान हात्तीको आक्रमणमा परी दुई जनाको मृत्यु भएको छ । प्रहरीका अनुसार माडी नगरपालिका वडा नम्बर ९ पुरानो अम्बुबा पोष्ट नजिकै देउराली ओरालोमा बच्चासहितको हात्तीको बथानले आक्रमण गरेको हो ।
हात्तीको आक्रमणबाट माडी नगरपालिका वडा नम्बर एक बरुवाका ६० वर्षीय बाबुराम पौडेल र उनका छोरा ३५ वर्षीय राजु पौडेलको मृत्यु भएको हो ।
उनीहरु दुवै जना मोटरसाइकलमा निकुञ्जको बाटो हुँदै माडीबाट बाँदरझुलातर्फ जाँदै गर्दा घटना भएको हो । हात्ती देखेपछि मोटरसाइकल रोकेर भाग्ने क्रममा हात्तीले आक्रमण गरेको हो ।
