उद्योगी रुप ज्योति रिहा
काठमाडौं । उद्योगी रुपज्योति रिहा भएका छन् । जाहेरवाला विजेन्द्रकृष्ण मल्लसँग आपसी मिलापत्र गरेपछि ज्योति शुक्रबार रिहा भएका हुन् । काठमाडौं प्रहरी प्रमुख एसएसपी उत्तम सुवेदीले दुवै पक्षबीच सहमति भएपछि रिहा गरिएको जानकारी दिएका छन् ।
जग्गा विवादमा मल्लले प्रहरीमा दिएको उजुरीपछि ज्योतिलाई प्रहरीले पक्राउ गरेको थियो ।पक्राउपछि काठमाडौं जिल्ला अदालतले अनुसन्धानका लागि भन्दै म्याद थप गरेको थियो ।
ज्योतिलाई महानगरीय प्रहरी वृत्त दरबारमार्गमा राखिएको थियो । ठगी मुद्दा उजुरी परेपछि उद्योगी ज्योति र उनकी छोरी सुरुचीलाई प्रहरीले पक्राउ गरेको थियो ।
तर ठगी मुद्दा दायर गर्ने व्यक्तिले जाहेरी फिर्ता लिन प्रहरीलाई पत्र दिएपछि प्रहरीको रायअनुसार जिल्ला सरकारी वकिल कार्यालयले ज्योतिविरुद्ध मुद्दा नचल्ने निर्णय गरेको हो ।